Xermade abre o prazo para inscribirse no campamento de verán
TerraChaXa
O Concello de Xermade organiza un novo campamento de conciliación para rapaces de 3 a 16 anos de idade do 24 de xullo ao 11 de agosto.
![campamento veran xermade concilia portada](https://terrachaxa.com/wp-content/uploads/2023/06/campamento-veran-xermade-concilia-portada.jpg)
6 Xul 2023
O Concello de Xermade organiza un novo campamento de conciliación para rapaces de 3 a 16 anos de idade durante os períodos de vacacións escolares de verán no programa Xermade Concilia 2023.
O campamento terá lugar entre o 24 de xullo e o 11 de agosto en horario de mañá, de 9.00 a 14.00 horas, agás o día 8 de agosto, que é festivo local, para un máximo de 50 pequenos.
Durante o mesmo, que terá lugar na nave de Momán, desenvolveranse actividades artísticas, obradoiros, pintura, música e saídas á praia e a Cerceda, ademais dunha noite de pernocta.
As prazas son limitadas e a inscrición abre hoe ata o 13 de xullo. Debe facerse a través do rexistro do Concello.
Darase máis información a través do teléfono 678 744 178.
![campamento veran xermade concilia](https://terrachaxa.com/wp-content/uploads/thumbs/2023/06/campamento-veran-xermade-concilia-200x282.jpg)