Xermade acolle unha charla nos días de visita do servizo Coidados porta a porta
O Concello de Xermade en colaboración coa Consellería de Política Social da Xunta de Galicia informa que nos días 8, 9 e 10 de maio estará ao lado do centro de saúde unha unidade móbil dentro da campaña Coidados porta a porta.
Ademais, este luns, ás 19.00 horas terá lugar unha charla sobre os coidados do pé en persoas maiores. Tratarase o tema da prevención de complicacións e patoloxías diversas. A sesión terá lugar na biblioteca de Xermade
Esta campaña destinada a persoas maiores de 55 anos e é totalmente gratuíta. Ofrecerá tres servizos principais. Por unah banda, un servizo de podoloxía. Faise unha consulta básica de podoloxía; unha valoración do estado xeral do pé; un corte e limpeza de uñas; eliminación de durezas, calos e helomas.
No servizo de audioloxía faise unha valoración e exploración funcional da audición e prevención da perda auditiva. E finalmente no servizo de estimulación da memoria, un profesional realizará unha valoración cognitiva e achegará as pautas desde unha perspectiva terapéutica de como previr e aminorar un deterioro, en caso de habelo.
As persoas interesadas poderán pedir cita previa no teléfono 622 748 283 ou no correo electrónico coidadosportaaporta.politicasocial@xunta.gal.
