Xermade arrinca agosto coas súas festas patronais
![xermade_fiestas_portada](https://terrachaxa.com/wp-content/uploads/2018/07/xermade_fiestas_portada.jpg)
O Concello de Xermade celebra a primeira fin de semana de agosto as súas festas na honra da Nosa Señora. As celebracións iniciaranse o venres 3 coa actuación do Dúo Eclipse a partir das 22.30 horas.
O sábado a programación festiva iniciarase ás 13.00 horas con misa solemne e procesión seguida da tradicional sesión vermú, que estará a cargo da orquestra D'Noche. Esta mesma orquestra e Ache serán as encargadas de animar a noite en sesión verbena.
O domingo, día grande, a Banda de Música Municipal do Landro, en Viveiro, ofrecerá un concerto entre as 12.00 e as 13.00 horas, antes da tradicional misa e procesión. Pola mañá, a orquestra Alaska ocuparase da sesión vermú e tamén da verbena xunto a Pili Pampín.
A comisión organizadora contou este ano cun orzamento de preto de 23.000 euros aportados polos veciños e negocios da parroquia.
![xermade_fiestas](https://terrachaxa.com/wp-content/uploads/thumbs/2018/07/xermade_fiestas-200x300.jpg)