Xermade convoca o concurso de disfraces para o 20 de febreiro
![concuso disfraces entroido xermade portada](https://terrachaxa.com/wp-content/uploads/2023/02/concuso-disfraces-entroido-xermade-portada.jpg)
O Entroido chegará de novo a Xermade o luns 20 de febreiro coa celebración dunha festa na tarde-noite. Os actos darán comezo ás 20.00 horas no pavillón polideportivo.
Coa festa convócase de novo concurso de disfraces con premios para grupos, parellas e individuais, que oscilarán entre os 200 e os 5o euros para os adultos e de 70 a 40 para os pequenos. Serán tres gañadores en cada unha das tres categorías para os veciños do Concello. Ademais, haberá unha categoría para a participación de persoas non empadroadas en Xermade con dous premios, de 150 e de 100 euros.
O xurado estará formado por tres persoas voluntarias do público e un secretario/a vinculado/a ó concello, con voz e sen voto, que certificará o cumprimento das condicións establecidas nas bases.
As persoas que desexen participar no concurso deberán inscribirse nas oficinas municipais antes do 14 de febreiro e os que desexen máis información poden comunicarse co 678 744 178.
![concuso disfraces entroido xermade](https://terrachaxa.com/wp-content/uploads/thumbs/2023/02/concuso-disfraces-entroido-xermade-200x200.jpg)