Xermade organiza un novo obradoiro para nenos contra a violencia de xénero
![Captura de pantalla 2019 09 17 a las 10.45.40](https://terrachaxa.com/wp-content/uploads/2019/09/Captura-de-pantalla-2019-09-17-a-las-10.45.40.png)
A biblioteca de Xermade retomará este sábado as actividades de Ler conta moito sobre a temática da igualdade e a violencia de xénero.
A primeira destas dará comozo ás 12 do mediodía coa visita do escritor e ilustrador vigués Anxo Fariña, que realizará un obradoiro para nenos dende os 6 ata os 12 anos. Os interesados en participar deberán inscribirse previamente.
O proxecto consistirá en crear A cidade violeta SEN VIOLENCIA DE XÉNERO. Os participantes usarán ceras ou rotuladores e finalmente un verniz especial que brilla na escuridade que destaca como debería ser unha cidade sen violencia de xénero e con igualdade entre homes e mulleres. Así mesmo, falarán de como son algunhas actitudes da sociedade e de como deberían ser para acabar coa violencia de xénero e chegar á igualdade plena.