Xermade prepara a nova tempada de cursos 2020/2021
![IMG 20200829 WA0058](https://terrachaxa.com/wp-content/uploads/2020/08/IMG-20200829-WA0058.jpg)
O Concello de Xermade prepara a nova tempada de cursos 2020/2021 que inclúe unha ampla variedade de actividades que serán de novembro a maio.
Así, o curso de faino ti mesmo ten un prezo de 42 euros, e impartirase na Escola do Calvario de Cazás os luns de 21 a 23 horas e dará comezo o 2 de novembro, na Casa Escola de Miraz os venres de 16 a 18 horas e comezará o día 6, e no Campo de Roupar os sábado en horario de 16 a 18 horas e comezará o día 7 de novembro.
O obradoiro de costura impartirase na Criba de Roupar o segundo e cuarto sábado de mes en horario de 16.30 a 19.30 e dará comezo o 14 de novembro. Tamén terá un prezo de 42 euros.
Xa por último, o curso de xabóns cosméticos e cremas será na Casa Escola de Candamil os sábados 7 e 14 de novembro de 16 a 18 horas. Este obradoiro ten un prezo de 15 euros.
As inscricións poden facerse do 14 ao 23 de outubro e a admisión será por orde de rexistro e para máis información haberá que chamar ao teléfono 982 50 10 02.