Xermade prepara a súa Festa da Xuventude con comida popular
O vindeiro 12 de abril, o Polideportivo Municipal de Xermade acollerá a VII Comida Popular da Festa da Xuventude 2025, unha cita xa consolidada no calendario festivo da comarca.
O evento dará comezo ás 14:00 horas cunha sesión vermú amenizada polo dúo Caramelo, seguida dun gran xantar popular cun menú composto por xamón cocido, polbo, churrasco mixto con criollo, postre, pan, bebida, café e licor. O prezo do xantar será de 35 euros para adultos e 17,50 euros para nenos de 7 a 11 anos, sendo gratuíto para menores de 6 anos.
Pola tarde, a partir das 18:00 horas, a festa continuará coa música en directo do dúo Caramelo. Ademais, realizarase un sorteo de agasallos entre os asistentes.
As persoas interesadas en asistir deben inscribirse antes do 9 de abril e poden adquirir os tickets nos establecementos Bar Casal e Bar O’Pita. Para máis información, poden contactar cos membros da comisión organizadora a través dos teléfonos dispoñibles no cartel do evento.
A cita está organizada pola Comisión de Festas de Xermade 2025, contando coa colaboración de diversos establecementos locais e do Concello de Xermade.