Skip to main content
ActualidadeCospeitoLugoRábade TERRACHÁXA

Dous detidos en Muimenta por senllos delitos de roubo

Por 23 Agosto, 2019Sin comentarios

A Garda Civil detivo a un veciño de Lugo de 44 anos de idade como suposto autor dun delito de furto en Muimenta de ferramentas valoradas en 2.500 euros.

No marco da investigación impútaselle ao detido un delito contra a seguridade viaria ao carecer da autorización administrativa para conducir un vehículo. A persoa detida foi posta a disposición xudicial.

Tamén detivo en Cospeito a un veciño de Muimenta, de 48 anos de idade, como suposto autor dun delito de roubo con violencia e intimidación cometido o mes de decembro do pasado ano no interior dunha vivenda. Os feitos ocorreron o día 18 de decembro ao redor das 20.30 horas, cando supostamente persoas encapuchadas accederon ao interior do domicilio da vítima e tras atalo e tiralo ao chan, subtraxéronlle máis de 6.000 euros que tiña escondidos na súa vivenda. A persoa detida foi posta a disposición xudicial.

Por outra banda, a Garda Civil imputou en calidade de investigados na localidade de Burela a un veciño de Lugo de 34 anos de idade, un veciño de Castro de Rei de 63 anos de idade e a unha veciña de Rabade de 64 anos de idade como presuntos autores dun delito de furto dun bolso nun establecemento de hostalería de Burela.

As persoas investigadas foron postas a disposición xudicial.