Skip to main content
ActualidadeCospeitoVilalba

Liberados os dous ocupantes dun turismo despois de chocar contra unha casa en Cospeito

Por 25 Agosto, 2017Sin comentarios

Os Bombeiros excarceraron na madrugada deste venres a dúas persoas atrapadas no interior do turismo no que viaxaban. O vehículo, que circulaba pola estrada que une as localidades de Cospeito e Vilalba, á altura do punto quilométrico 13, chocou contra unha casa despois de saírse da vía. Así o relataba o particular que chamou, sobre as 04.30 horas, ao 112 Galicia para pedir axuda.

Tras recibir o aviso, dende o Centro Integrado de Atención ás Emerxencias do 112 (CIAE), alertouse ao persoal sanitario, axentes de Tráfico e aos Bombeiros de Vilalba. Membros do parque comarcal nada mais chegar ao lugar do sinistro confirmaron a excarceración dos dous ocupantes. Unha vez liberados os dous feridos foron trasladados en dúas ambulancias que os técnicos sanitarios desprazaron ao punto.

Ademais, debido aos danos ocasionados, foi precisa a intervención do persoal do servizo de mantemento da estrada.