Sociedade

A actividade dará comezo ás 09:30 horas con saída desde A Madalena e continuará por Paseo, Coto, Ponte Rodríguez e Trimaz

A Asociación de Veciños de Mourence organizará o sábado unha andaina veciñal aberta a toda a veciñanza cun percorrido por diferentes puntos da contorna.

A actividade dará comezo ás 09:30 horas con saída desde A Madalena e continuará por Paseo, Coto, Ponte Rodríguez e Trimaz, para regresar novamente ao punto de inicio.

Desde a organización destacan que se trata dunha proposta pensada para fomentar a convivencia e o desfrute da natureza entre os participantes. Ademais, recomendan acudir con calzado cómodo e non esquecer levar auga durante o percorrido.

A andaina está aberta á participación de persoas de todas as idades e a asociación anima á veciñanza a sumarse a esta xornada de lecer ao aire libre.