A atleta Adiaratou Iglesias visitou os rapaces do centro Santo Anxo de Rábade
![Adiaratou Iglesias visita santo anxo rabade](https://terrachaxa.com/wp-content/uploads/2021/12/Adiaratou-Iglesias-visita-santo-anxo-rabade.jpg)
A atleta Adiaratou Iglesias, gañadora dunha medalla de ouro e outra de prata nos Xogos Paralímpicos de Tokio 2020, visitou as rapazas e rapaces do centro de menores de Santo Anxo de Rábade para achegarlles a súa historia. O director xeral de Familia, Infancia e Dinamización Demográfica, Jacobo Rey, acompañou na visita á atleta.
Adiratou Iglesias naceu en Mali e estivo os seu primeiros anos de vida nun centro de menores ata que foi adoptada por unha familia lucense. A deportista falou coas mozas e mozos do centro de menores para explicarlle que ela tamén estivo nunha situación semellante á deles.
Pola súa banda, Jacobo Rey, puxo en valor as historias de esforzo e superación como a de Adiratou para achegar aos menores que están dentro do sistema de protección do Goberno galego todas as posibilidades que teñen.