A biblioteca de Xermade cambia o horario tras a incorporación da nova auxiliar
A Biblioteca Municipal de Xermade contará cun novo horario de atención ao público desde o pasado luns 15, como consecuencia dun cambio na xestión do persoal do servizo. A modificación ten como obxectivo mellorar a organización e adaptar os tempos de apertura ás necesidades da veciñanza usuaria.
Deste xeito, a biblioteca abrirá os luns e xoves en horario de tarde, de 15.30 a 20.00 horas. Os martes, mércores e venres prestará servizo tanto en horario de mañá, de 11.00 a 14.30 horas, como en horario de tarde, de 15.30 a 20.00 horas.
Desde a biblioteca animan á cidadanía a achegarse ás instalacións e continuar facendo uso dun espazo pensado para o encontro, a lectura e a convivencia cultural. Para máis información ou calquera consulta, as persoas interesadas poden contactar a través dos teléfonos 651 039 615 ou 982 501 055.