A Casa do Mel acollerá un curso de iniciación á apicultura nas Pontes
A Casa do Mel de Goente, situada no concello das Pontes, será o escenario dun curso de iniciación á apicultura que terá lugar os días 10, 11, 16 e 17 de maio, en horario de 16:00 a 21:00 horas.
A formación, de carácter teórico-práctico, está dirixida a todas aquelas persoas interesadas en dar os primeiros pasos no mundo da apicultura, unha actividade que esperta cada vez máis interese tanto por motivos ambientais como produtivos.
Os contidos permitirán coñecer o funcionamento das colmeas, a bioloxía das abellas, o manexo básico e as ferramentas necesarias para iniciarse con seguridade nesta práctica.
As persoas interesadas poden solicitar máis información ou formalizar a súa inscrición chamando ao 661 003 616 ou escribindo ao correo electrónico casadomel@vodafone.es.
Esta iniciativa conta co apoio do Concello das Pontes de García Rodríguez e da propia Casa do Mel, espazo de referencia para a divulgación e promoción da apicultura na comarca.