A Casa do Mel pontesa acollerá un curso sobre selección e cría de raíñas con abella autóctona
A Casa do Mel será o escenario dun curso especializado en selección e cría de raíñas con abella autóctona, unha acción formativa dirixida a persoas interesadas na apicultura e na mellora xenética das colmeas.
A formación desenvolverase ao longo de seis xornadas, os días 27, 28 e 29 de xuño, así como o 7, 9 e 10 de xullo, en horario de 16.30 a 21.30 horas. O programa permitirá aos participantes afondar nos coñecementos relacionados coa selección das mellores liñas de abellas e nas técnicas de cría de raíñas, un aspecto fundamental para garantir a produtividade e a conservación da abella autóctona.
As persoas interesadas en participar poden obter máis información a través do teléfono 661 003 616 ou do correo electrónico casadomel@vodafone.es. As inscricións deberán realizarse a través da plataforma habilitada para as accións formativas da Xunta de Galicia.
A iniciativa conta co apoio da Xunta de Galicia e está cofinanciada polo Fondo Europeo Agrícola de Desenvolvemento Rural e polo Ministerio de Agricultura, Pesca e Alimentación.