A Copa Deputación de Fútbol Sala de Lugo chegará ao seu final este domingo en Sarria
Este domingo terá lugar en Sarria os tres partidos que porán fin á VII Copa Deputación de Fútbol Sala para as categorías sénior, unha competición que se iniciou a finais do mes de agosto e na que participaron 38 equipos de toda a provincia.
Tras as previas, os oitavos, os cuartos e a semifinal, chega este domingo a gran final para as tres categorías.
En Primeira División Masculina os equipos que pelexarán polo título serán o FSF Castro Deportes A Chaira e Os Meigallos FS. O duelo será ás 20.30 horas no pavillón José Mario González.
Na Segunda División será outro chairego, o Concello de Begonte FS B un dos competidores, xunto a outro equipo local, o Luisitalia. O partido está previsto para as 16.00 horas.
A feminina terá a súa final ás 18.15 horas, tamén no mesmo pavillón, e enfrontará ao FSF Castro B Energym B e o Ribeira FS Terraza do Pazo.