A II Feira de Nadal de Parga busca os últimos artesáns e comerciantes para cubrir os postos dispoñibles

A organización da II Feira de Nadal de Parga anunciou que aínda quedan algúns postos libres para participar no evento, que se celebrará os días 19 e 20 de decembro.
Debido a cambios de última hora, quedaron dispoñibles varias prazas para artesáns e comerciantes interesados en formar parte desta cita navideña. A convocatoria está dirixida a persoas que conten cun posto propio ou que ofrezan produtos artesanais, decoración, alimentación ou outro tipo de artigos comerciais.
Desde a organización animan os profesionais interesados a aproveitar esta oportunidade e sumarse á feira, que busca reunir durante dúas xornadas propostas variadas nun ambiente marcado pola maxia, a ilusión e o espírito do Nadal.
As persoas interesadas en obter máis información ou formalizar a súa inscrición poden contactar coa organización a través do correo electrónico feiranaldeparga@gmail.com.