A III Quedada Moteira das Pontes será o 3 de agosto
A III Quedada Moteira das Pontes será o 3 de agosto. Esta cita para todos os amantes das dúas rodas está organizada polo motoclube Tribu Mohican Clube.
Haberá sesión vermú, percorrido en moto, xogos moteiros, cea e moita festa co grupo Malditos Pendejos.
A xornada estará cargada de eventos, que comezarán ás 10:00 coa apertura de inscripcións e unha caña de benvida; ás 11:30 terá lugar unha ruta con pinchos, e xa ao medio día será o xantar.
Pola tarde haberá inchables para todos os nenos, unha exposición Maquetas de maquinaria da mina, e despois continuarase cos xogos moteiros, pinchos e a actuación musical do grupo Malditos Pendejos.
Ás 22:00 será a hora da cea e ás 23:30 haberá un sorteo e unha festa con DJ.
Ademais estará dispoñible o pavillón cuberto con duchas para quen queira pasar a noite.
Para as inscripcións haberá que chamar ao 638 71 12 99
