A parroquia de Ínsua en Vilalba acolle a XI Tasca Tradicional do Liño
![1 1](https://terrachaxa.com/wp-content/uploads/2019/09/1-1-4-e1570711275799.jpg)
A parroquia de Ínsua no Concello de Vilalba acollerá esta fin de semana a XI Tasca Tradicional do Liño coa que amosará o traballo do cultivo do liño.
A xornada contará con charlas sobre o liño que tratarán sobre os traballos comunitarios rurais ou "rogas" entre os que se atopan os traballos do liño, as relacións entre a veciñanza nas tascas do liño e as fías como reunións.
Tamén haberá animación musical con música tradicional e foliadas.
Tampouco faltarán os postos de artesanía na feira con artigos textís, coiro ou madeira.
Ao longo de todo o día os presentes tamén poderán gozar con diferentes demostracións das tascas tradicionais do liño, comprar obxectos nos postos de artesanía, degustar o cacho que era a comida típica das tascas da zona, e visitar a exposición de fotografía dedicada a Insua e o liño.
![69581128_2337449343238404_2423437019049885696_n](https://terrachaxa.com/wp-content/uploads/thumbs/2019/09/69581128_2337449343238404_2423437019049885696_n-e1568110087662-200x200.jpg)