A Tasca do Liño de Insua terá este ano unha edición reducida en actividades
TerraChaXa
A organización da XII Edición da Tasca do Liño de Insua comunicou a intención de manter a súa celebración, aínda que debido aos últimos acontecementos sanitarios será de "pequeno formato e adaptada, por riba de todo, ás normas sanitarias do momento".
![A Tasca do Liño de Insua terá este ano unha edición reducida en actividades](https://terrachaxa.com/wp-content/uploads/2020/08/0-6-e1597313556668.jpg)
21 sep 2020
A organización da XII Edición da Tasca do Liño de Insua comunicou a intención de manter a súa celebración, aínda que debido aos últimos acontecementos sanitarios será de "pequeno formato e adaptada, por riba de todo, ás normas sanitarias do momento".
A intención é celebrala o vindeiro 24 de outubro no campo da Festa da parroquia de San Bartolomeu de Insua, tal e como se ven facendo tradicionalmente nos últimos anos.
No caso de que a situación non permita realizar o evento de forma presencial, ofrecerase de xeito virtual algunhas das atividades programadas.
"Temos a obriga contribuír a que a memoria das nosas mulleres e o patrimonio etnográfico perdure, afrontando calquera desafío que o incerto futuro nos depare", indican dende a organización.