A Uned Sénior abre a inscrición para o segundo cuatrimestre
A Uned Sénior de Xermade-Guitiriz, que ten aulas en Momán (Xermade) e no centro urbano guitiricense, abriu o prazo de matriculación para o segundo cuatrimestre do ano, proceso que se manterá activo ata o 10 de febreiro.
O curso, que xa retomou as clases trala pausa de Nadal, rematará no seu primeiro tramo o 24 de xaneiro e iniciará o segundo o 17 do próximo mes. O programa establece rematar o 2 de xuño con pausa de Entroido o 24 e 25 de febreiro e de Semana Santa do 6 ao 13 de abril.
Como no trimestre anterior, ofreceranse cinco materias. En Momán, onde os ensinos teñen como sede o edificio da antiga escola, poderá asisitirse a clases de Saúde pública e envellecemento activo (impartidas polo médico Marcelino Mosquera), de Historia (a cargo do arqueólogo Felipe Senén López) e de Informática. Música (co director da Banda de Meira, Fran Cupeiro, como profesor) e Inglés son as materias que se impartirán en Guitiriz.
A Uned Sénior vai dirixida a persoas que teñan polo menos 55 anos e actualmente a Terra Chá conta con 122 alumnos. Os que desexen máis información poden escribir a coordinadorunedsenior@gmail.com ou telefonar ao Concello de Guitiriz (982 370 109). En materias como Historia as clases alternan con excursións por toda Galicia, nas que os alumnos participan en visitas guiadas.