A veciñanza de Begonte terá un curso para aprender a usar os caixeiros

Esta formación será o vindeiro xoves 23 de maio ás 11.00 horas na casa da cultura

Uso caixeiros

Dando resposta as peticións dos maiores que ven limitado o uso do caixeiro ao non ter os coñecementos adecuados para levar a cabo as diferentes operacións e debido á redución das oficinas bancarias, o Concello de Begonte ofrece un curso sobre o manexo seguro dos caixeiros. Esta formación será o vindeiro xoves 23 de maio ás 11.00 horas na casa da cultura de Begonte.

Con esta iniciativa estase dando resposta a unha demanda dos veciños que poderán facer uso de maneira sinxela deste aparello bancario.

O curso está enmarcado no Programa de Educación Financeira no que se ensina a usar os caixeiros para facer as operacións máis habituais en calquera momento.