A Xunta pide unha reunión á Deputación para tratar sobre o convenio dos bombeiros
A Xunta de Galicia reiterou á Deputación de Lugo a súa petición de celebrar o vindeiro venres, 3 de febreiro, unha reunión de traballo en Lugo para acadar unha proposta conxunta do convenio colectivo para presentar aos traballadores do Consorcio de Bombeiros.
Como xa expuxo en varios escritos enviados á institución provincial neste mes, a Xunta de Galicia considera imprescindible que ambas administracións teñan unha reunión previa na que alcancen unha postura conxunta, antes de manter a xuntanza cos traballadores.
Ademais, a administración autonómica comunicou hoxe á Deputación, estar abertos a fixar para a seguinte semana, do 6 ao 10 de febreiro, na súa sede de Lugo, a súa disposición para reunirse cos traballadores e comité de empresa do Consorcio de Bombeiros.