Abre ao público tres días á semana o CIN de Bretoña

Será os luns, mércores e venres, de 10.00 a 14.00 horas

Unha imaxe do CIN

Esta semana abriu ao público de novo o Centro de Interpretación de Bretoña despois de que o fixese tamén o novo Centro de Interpretación do Alto Miño, situado ante a lagoa de Fonmiñá, na Pastoriza.

O CIN de Bretoña poderá visitarse libremente os luns, mércores e venres, de 10.00 a 14.00 horas. Despois, para calquera información ou reservas para grupos o teléfono de contacto é o 982 332 197.

O centro de interpretación ten o obxectivo do estudo e divulgación da historia do bispado dos bretóns de Gallaecia e do patrimonio do concello e terras da comarca en xeral.