Adamo presenta en Bretoña a expansión da súa fibra óptica
TerraChaXa
O café bar A Eskina de Bretoña acolle este martes, 18 de outubro a presentación da implantación da rede fibra óptica de Adamo.
![DESPLIEGUE ADAMO_telefonia internet](https://terrachaxa.com/wp-content/uploads/2022/02/DESPLIEGUE-ADAMO_telefonia-internet.jpg)
16 Out 2022
O café bar A Eskina de Bretoña acolle este martes, 18 de outubro pola mañá a presentación da implantación da rede fibra óptica na zona da Pastoriza a cargo da empresa Adamo.
Esta sesión terá carácter informativo e estará en marcha dende as 9.30 ás 14.30 horas. Un representante da empresa, dentro das axudas do Goberno central para a instalación de banda ancha no rural, explicará o despregue da fibra óptica en toda a parroquia e os pasos a seguir así como solventará as dúbidas que se plantexen.
De feito, dentro do programa de desenvolvemento de internet no ámbito rural do Ministerio de Asuntos Económicos e Transformación Dixital a empresa Adamo está a traballar en concellos da contorna e continúa a ofertar os seus servizos en máis.
![presentacion fibra adamo bretona](https://terrachaxa.com/wp-content/uploads/thumbs/2022/10/presentacion-fibra-adamo-bretona-200x200.jpg)