Adiada a San Silvestre das Pontes polas previsións meteorolóxicas
O Concello das Pontes anunciou que este ano non se celebrará a tradicional carreira San Silvestre das Pontes.
Segundo indicaron os organizadores "por motivo da previsión metereolóxica, con fortes refachos de vento e debido á imposibilidade de poder instalar os elementos e estruturas necesarias para a celebración da carreira, vémonos na obriga de pospoñer a carreira".
A intención é celebrala unha vez comece o novo ano e nos próximos días darase a coñecer a data.
A carreira fora xa convocada para dar comezo a partir das 16:30 horas, cun percorrido urbano, con diferentes distancias segundo categorías, con premios para os primeiros clasificados e chocolate con churros para todas as persoas participantes.
Tamén estaba prevista unha andaina popular, pero non iniciaran todavía o proceso de inscrición.