As festas do Carme de Muxueira celebraranse esta fin de semana con música, gastronomía e verbena
A parroquia de Muxueira, no concello de Riotorto, celebrará este fin de semana as tradicionais Festas do Carme cun programa que combina gastronomía popular, música en directo e actividades relixiosas.
Os festexos darán comezo o venres cunha churrascada popular a partir das 21.00 horas. A velada estará amenizada pola actuación do grupo Punto Clave e contará tamén coa participación da discoteca móbil de EvenTec e Cosme DJ, que se encargarán de poñer ritmo á primeira noite das celebracións.
A programación continuará o sábado 18 coa celebración dunha misa ás 13.00 horas. A continuación terá lugar unha sesión vermú que estará amenizada polo Dúo Belinda, encargado de animar a xornada festiva.
A comisión organizadora anima á veciñanza e aos visitantes a participar nestas festas, que un ano máis servirán como punto de encontro para compartir tradición, música e convivencia na parroquia de Muxueira.