As Pontes inicia unha formación para entidades deportivas sobre desfibriladores

TerraChaXa
As Pontes ven de poñer en marcha unha formación sobre desfibrilación automática externa, dirixida ás entidades deportivas da vila.
curso desfibriladores desa as pontes
curso desfibriladores desa as pontes
14 abr 2023

O Concello das Pontes ven de poñer en marcha unha formación sobre desfibrilación automática externa, dirixida ás entidades deportivas da vila.

O obxectivo desta formación é facilitar ás persoas participantes unha formación básica inicial, guiada por persoal sanitario experto, con prácticas de simulación, que lles permita familiarizarse cos pasos a seguir e aprender a controlar unha situación de emerxencia cardiorespiratoria.

Deste xeito, incrementarase o número de persoas capacitadas para manexar os DEA para que, en caso de que fose necesario, axudaran a manter con vida a unha persoa ata a chegada dos servizos sanitarios.

Así, as clases, que comezarán a finais do mes de abril, incidirán es aspectos como a identificación dunha parada cardiorespiratoria, manobras de reanimación cardiopulmonar básica, que é un DEA, quen pode empregalo, que necesitamos saber, así como en cuestións relativas funcionamento do equipo DESA.

Por outra banda, esta formación tamén inclúe charlas sobre primeiros auxilios para o alumnado de primeiro e segundo de Educación Primaria dos CEIP A Magdalena, A Fraga e Santa María que teñen como obxectivo ensinar á veciñanza máis nova da vila a actuar ante unha emerxencia na casa.

A charlas arrancaron a semana pasada no colexio da Fraga e continuarán durante esta semana e a vinderia semana no colexio A Magdalena para chegar no mes de marzo ao centro educativo A Fraga.