Begonte acolle este domingo a sétima edición da súa Carreira Popular

TerraChaXa
Contará cun total de 370 participantes e terá unha andaina
carreira-popular-begonte-cartel-portada
Cartel da carreira popular de Begonte
29 Xuño 2024

Un total de 370 persoas participarán este domingo, 30 de xuño, no concello de Begonte na nova edición da Carreira Popular que xa chega a súa sétima edición. Ademais, organízase unha andaina para todas as idades que dará comezo ás 10.00 horas cunha distancia de 7 quilómetros.

O apartado deportivo arrincará coa carreira absoluta será ás 11:00 horas e constará tamén de 7 quilómetros. Ás 12:00 horas comezará a proba da categoría D, nados antes de 2005 e que percorreran 3.500 metros; logo chegará a categoría C ás 12:15 horas será para os nados de 2009 a 2011 e farán 2.000 metros; a categoría B será ás 12:35 horas cos nados de 2012 a 2014 percorrendo 1.000 metros; ás 12:45 horas a categoría A percorrerá 500 metros e será para os nados de 2015 a 2016; e xa por último os minis, nados de 2017 a 2020, que farán 150 metros e comezarán ás 12:50 horas.

Os premios serán para os tres primeiros clasificados na carreira absoluta masculina e feminina, que ademais de trofeo recibirán un agasallo. Tamén haberá premios para os catro mellores equipos e distinguirase ao primeiro atleta local masculino e feminino. Así mesmo, tamén haberá premio para o club que leve o maior número de inscritos e para os tres primeiros clasificados no resto de categorías.

0.18158888816833