Bretoña, en pastoriza, celebra a Festa do Oito o martes
A localidade de Bretoña, en Pastoriza, celebra as súas Festas do Oito, na honra a Santa María, o martes 8.
O día dará comezo ás 13.30 horas, cunha misa, procesión e sesión vermú a cargo do dúo Estrellas. A continuación, terá lugar un xantar baixo a carpa servido polo catering Sarredo.
Xa pola tarde, a partir das 18.30 horas, volverán a actuar o dúo Estrellas e, nesta ocasión, xunto a EvenTec e Cosmedeejay. A maiores, haberá inchables e xogos tradicionais para amenizar o día, así como un sorteo de agasallos.
O menú consistirá en croquetas, arroz con bogavante, tenreira asada con patacas, sobremesa, café e chupito a un prezo de 33 euros para adultos e de 20 para nenos entre 4 e 10 anos. Haberá que reservar antes do xoves 3 en Casa Luciano, Casa Zapateiro ou chamando aos teléfonos de Sandra (658 877 725), Aníbal (649 583 277), Judit (661 883 228) e Iván (672 694 550).
Desde a organización avisan que será necesario reservar tanto para o menú como para levar a túa merenda.