Cabreiros celebra as festas na honra a Santa Mariña esta fin de semana
A parroquia de Cabreiros, en Xermade, vivirá esta fin de semana as súas tradicionais festas na honra a Santa Mariña, cunha programación que combinará música, tradición e celebración veciñal.
O venres, a partir das 23.00 horas, dará comezo a verbena coas actuacións de Dj Zalo e JB Son marcando o inicio das festas con música e ambiente festivo.
O sábado 11 celebrarase ás 13:30 horas a misa solemne, seguida de procesión e sesión vermú, a cargo da orquestra Triunfo. Pola noite, a festa continuará cunha gran verbena na que actuarán de novo Triunfo e Fania Blanco Show.
As festas pecharanse o domingo coa tradicional misa solemne, procesión e sesión vermú prolongada ás 13.30 horas, nesta ocasión amenizada pola orquestra Suavecito, que porá o broche musical a tres días de celebración.