Cambio de mobiliario urbano en Rábade para humanizar a rúa Músico Crisanto

LugoXa | TerraChaXa
O obxectivo é reordenar a zona de aparcamento, evitar que os peóns teñan que camiñar pola estrada e facilitar a entrada aos portais
rua-musico-crisanto-rabade-bancos
Nova ordenación na rúa Músico Crisanto
17 may 2024

O Concello de Rábade vén de recolocar uns bancos de granito na Rúa Músico Crisanto co obxectivo de reordenar a zona de aparcamento, evitar que os peóns teñan que camiñar pola estrada e facilitar a entrada aos portais.

O Goberno local pretende con esta actuación humanizar a zona, ao tempo que xa se pode intuír como quedará a reordenación do tráfico, máis ordenada e acorde cos traballos de mellora nas rúas remodeladas na contorna do campo da feira, o corazón da vila.