Cáritas Vilalba ofrece un curso gratuíto de español para persoas desempregadas
Cáritas Vilalba ofrecerá a partir de novembro un curso gratuíto de español dirixido a persoas inscritas como demandantes de emprego, co obxectivo de mellorar as súas competencias lingüísticas e facilitar a súa incorporación ao mercado laboral.
A formación terá unha duración total de 20 horas e permitirá ás persoas participantes mellorar o seu dominio do idioma español, unha ferramenta importante para avanzar na procura de traballo.
O curso desenvolverase nas instalacións de Cáritas Vilalba, situadas na rúa Porta de Cima, número 65.
As persoas interesadas en participar poden solicitar información e formalizar a súa inscrición chamando ao teléfono 667 922 134.
A iniciativa busca ofrecer unha oportunidade formativa gratuíta ás persoas en situación de desemprego, contribuíndo a reforzar as súas competencias lingüísticas e a mellorar as súas posibilidades de acceso ao emprego.