Sociedade

A actividade non competitiva sairá ás 9.30 horas do Teleclub de Bazar e terá unha dificultade media-baixa, con apenas 200 metros de desnivel acumulado

Castro de Rei acollerá este sábado, 26 de setembro, unha nova edición da Andaina Coyotepedal, unha actividade deportiva e de lecer aberta á participación que propón un percorrido de 14 quilómetros polos camiños do municipio.

A saída está prevista para as 9.30 horas desde o Teleclub de Bazar. Trátase dunha andaina voluntaria e non competitiva, cun itinerario considerado de dificultade media-baixa e no que se acumulan aproximadamente 200 metros de desnivel.

A inscrición ten un custo de 10 euros para as persoas adultas e de 7 euros para menores e socios. A organización ofrecerá durante a actividade un almorzo e avituallamento quente.

O pagamento pode realizarse mediante ingreso na conta indicada pola organización, ou ben o propio día da andaina.

As persoas interesadas deberán inscribirse previamente para poder participar na actividade.