Celebran este domingo un obradoiro de Nadal na Pastoriza
O próximo domingo 1 de decembro, a nave do concello no polígono da Pastoriza (coñecida como "nave roja") acollerá un Taller de Nadal, unha proposta ideal para compartir unha tarde en familia e prepararse para as festas. A actividade dará comezo ás 16:00 horas.
O obxectivo deste taller é promover o espírito do Nadal a través de actividades para nenos e adultos, nun ambiente de convivencia e ilusión. Ademais, os asistentes poderán desfrutar dunha merenda, recibir regalos e sorprenderse coas moitas iniciativas preparadas pola organización.
A inscrición ten un prezo de 3 euros para pais e nais, 5 para nenos e nenas socios e 8 para non socios. Para participar, é necesario inscribirse previamente a través dos teléfonos 674 182 584 ou 627 536 577.
Este evento está organizado pola ANPA do CEIP O Salvador contando coa colaboración do Concello da Pastoriza.