Comezan as obras de construción da residencia de maiores de Riotorto
Esta semana deron comezo as obras de construción da nova residencia de maiores de Riotorto, que se iniciaron co movemento de terras.
Esta residencia supón un dos investimentos máis importantes en infraestruturas sociais da localidade, xa que terá un orzamento total de 1.768.930,24 euros e será financiado cos Fondos europeos Next Generation, a través do Plan de Recuperación, Transformación e Resiliencia.
A nova residencia de maiores contará con 37 prazas, con instalacións deseñadas para garantir unha contorna cómoda e adaptada ás necesidades das persoas da terceira idade. A obra será executada conforme ao proxecto técnico redactado polo arquitecto Manuel Eduardo López Vázquez e a enxeñeira de camiños, canles e portos Belinda Yepes Jiménez, quen traballou no desenvolvemento das especificacións técnicas para o edificio.
O orzamento é de 1.768.930,24 euros, e o prazo máximo de execución de 13 meses.