Continúan en Meira, Vilalba e Guitiriz as proxeccións do documental '360 curvas'
TerraChaXa
Está rodado sobre as protestas contra os recortes de servizos no rural protagonizadas pola veciñanza da Fonsagrada nos anos noventa
5 May 2026
Continúan pola Terra Chá as proxeccións-coloquio da longametraxe documental 360 Curvas, sobre as protestas contra os recortes de servizos no rural protagonizadas pola veciñanza da Fonsagrada nos anos noventa.
A longametraxe, gañadora do Premio Mestre Mateo na categoría documental, será presentada polo seu director Alejandro Gándara e por Manuel Lucas e Adrián Méndez,do equipo de realización e produción, que atenderán as preguntas e comentarios do público.
As proxeccións, promovidas pola Vicepresidencia da Deputación de Lugo, que se iniciaron en Lugo o domingo, continuarán en Meira este xoves 7, ás 21.20 horas. O venres 8 estarán en Vilalba, en horario de 12.00 horas, e en Guitiriz pola tarde, ás 19.30 horas.