Convocada en Rábade para o mércores unha charla sobre acollemento
![charla acollemento rabade portada](https://terrachaxa.com/wp-content/uploads/2023/03/charla-acollemento-rabade-portada.jpg)
O vindeiro mércores 23 de marzo, as 17:00 no centro sociocultural de Rabade, a Asociación Galega de Familias de Acollida, Acougo, en colaboración co Concello de Rábade, terá lugar a charla Contigo florece, xerando cultura de acollemento, coa intención de dar información e difusión sobre o sistema de protección de menores e concretamente,
das familias de acollida.
Dende este colectivo animan á veciñanza a achegar para poder informarse sobre esta medida tan descoñecida e tan necesaria para os menores que están sós.
Búscase achegarlle á sociedade a realidade das nenas, nenos e adolescentes en situación de desprotección e dar a coñecer o acollemento familiar. Non fai falta ter intención de acoller a un/unha menor para informarse sobre o que significa o acollemento. Tamén é necesario para convivir co acollemento, para saber formar parte dunha sociedade diversa, con diferentes maneiras de ser familia.
"O descoñecemento fainos cometer erros e estes erros fan dano ó mais valioso que temos como sociedade, as nosas crianzas e as súas emocións."
Resulta preciso anotarse previamente a través do teléfono de contacto da asociación 622 672 188, enviando un correo a info@acougo.gal, ou neste enlace.
![charla acollemento rabade](https://terrachaxa.com/wp-content/uploads/thumbs/2023/03/charla-acollemento-rabade-200x282.jpg)