Convocada unha nova edición de Saborea as Pontes, coa apertura das inscricións desde o luns
O Concello das Pontes prepara unha nova edición de Saborea As Pontes 2026, o concurso gastronómico de tapas que busca poñer en valor a hostalaría local e ofrecer novas propostas culinarias á veciñanza e ás persoas visitantes.
Os establecementos hostaleiros interesados en participar poderán inscribirse do 19 ao 23 de outubro, en horario de 9.00 a 14.00 horas, nas oficinas de Cohempo. As bases reguladoras do concurso facilitaránselles aos locais participantes no momento de formalizar a inscrición.
A organización prevé que as persoas asistentes poidan degustar as tapas en dúas quendas: do 12 ao 15 de novembro e do 19 ao 22 de novembro.
Con esta iniciativa, o Concello busca impulsar a gastronomía e apoiar o sector hostaleiro do municipio, promovendo a creatividade culinaria e a participación dos negocios locais nunha nova edición do certame.
Os establecementos interesados xa poden preparar as súas propostas para formar parte de Saborea As Pontes 2026.