Dezasete persoas foron as agraciadas no Mercado de Nadal de Muimenta
A Xunta Directiva da Asociación de Empresarios de Muimenta, a cal engloba a gandeiros, profesionais e autónomos da Vila, informa de que 17 persoas recibirán os vales premiados no XVI Mercado de Nadal – 2024, onde se repartiron 18.900 rifas entre todos os clientes que tiveron os vinte e seis negocios que participaron nesta edición.
O premio gordo da lotería de Reis recaeu no número 78.908. Polo tanto, as dezanove papeletas que se repartiron, rematadas en 908, son agraciadas, cun vale de 100 euros a cada unha delas. Finalmente só apareceron 17.
A entrega de premios, tivo lugar o xoves 16 de xaneiro na casa da cultura de Muimenta.
Os 17 premios teñen que gastarse antes do mes nos negocios pertencentes ao colectivo empresarial de Muimenta. En total, suman 1.700 euros.
Os vales só se poderán facer efectivos unha vez que se produza a súa entrega oficial, nunca antes.
