Este sábado celébrase a segunda xornada das festas de San Martiño de Corbelle coa orquestra Suavecito
A parroquia de Corbelle, no municipio de Pastoriza, celebra este sábado, 7 de novembro, a segunda xornada das festas na honra de San Martiño, cun programa que combina actos relixiosos, propostas gastronómicas e música para todos os públicos.
A xornada comezará ás 13.30 horas coa misa e a posterior procesión, seguida dunha sesión vermú amenizada pola orquestra Suavecito. Durante este encontro tamén se ofrecerá unha degustación gratuíta de xamón de porco celta de Outeiro, cortado por un profesional, así como de produtos do programa Galicia Sabe a Mar.
Pola noite, a música volverá ser protagonista cunha gran verbena a cargo da orquestra Suavecito, que se encargará de animar a festa e poñer o broche musical á celebración.
A organización habilitará un campo cuberto con carpa para garantir o desenvolvemento das actividades, unha iniciativa posible grazas á colaboración da veciñanza e dos anunciantes que apoian as festas.
Esta nova xornada dará continuidade aos actos celebrados o pasado 31 de outubro, cando a programación incluíu misa, procesión, sesión vermú co Dúo Karmín e un xantar popular. A sobremesa e a tarde estiveron acompañadas pola música en directo do mesmo dúo.