Friol organiza unha viaxe para os seus maiores
O Concello de Friol ven de anunciar a organización duns días de lecer e convivencia dirixidos ás persoas maiores do municipio. Trátase dunha xornada especial deseñada para gozar da paisaxe, do patrimonio e da compañía mutua percorrendo diferentes puntos de interese da provincia de Lugo.
A viaxe terá lugar o xoves 10 de setembro. O autobús sairá ás 8.30 horas dende a parte dianteira da Casa do Concello de Friol. Ao longo do día, os participantes realizarán un percorrido turístico que os levará por Vilalba, Ribadeo e Viveiro, para posteriormente regresar ao punto de partida.
A actividade é totalmente gratuíta para os asistentes. Aquelas persoas interesadas en participar deberán inscribirse presencialmente na Casa do Concello de Friol, tendo como data límite o xoves 3. Dende o goberno local animan a todas as persoas maiores a sumarse a esta iniciativa e compartir un día inesquecible.