Guitiriz organiza outro ano máis o ciclo de actividades infantís Venres de lecer
TerraChaXa
Guitiriz organiza outro ano máis o ciclo de actividades infantís Venres de lecer ao longo da primavera, dirixidas á rapazada de 3 e 12 anos.
![cartel venres de lecer guitiriz portada](https://terrachaxa.com/wp-content/uploads/2023/04/cartel-venres-de-lecer-guitiriz-portada.jpg)
21 Abr 2023
O Concello de Guitiriz aposta outro ano máis, durante a primavera, polo ciclo de actividades Venres de Lecer, dirixidas á rapazada de entre 3 a 12 anos.
Esta programación cultural e de conciliación constará de 5 actividades ao longo de diferentes venres desta primavera e terán lugar CEIP Lagostelle, en horario vespertino de 16:00 a 17:30 horas nos meses de abril e maio e de 15:15 a 16:45 horas en xuño.
As persoas interesadas poderán inscribirse ata dous días antes de cada actividade a través do formulario dispoñible na web municipal que se poderá entregar de xeito presencial na casa do concello ou vía telemática a través da sede electrónica.
Programación completa
- 28 de abril: Axudante de medio ambiente, obradoiro de reciclaxe.
- 12 de maio: Eu mo guiso, eu mo como, obradoiro sobre produtos locais.
- 26 de maio: Telexornal Guitiriz.
- 2 de xuño: Que mercamos en Guitiriz.
- 9 de xuño: Pasapalabra.
![cartel venres de lecer guitiriz](https://terrachaxa.com/wp-content/uploads/thumbs/2023/04/cartel-venres-de-lecer-guitiriz-200x167.jpg)