Máis de 200 persoas participan este domingo nunha nova edición da carreira e andaina Guitiriz Termal
Un total de 228 persoas de todas as idades participarán este domingo, 19 de abril, na nova edición da Carreira Popular Guitiriz Termal, que este 2026 celebra a súa décimo sexta edición, acompañada da quinta Andaina, consolidándose como unha das citas deportivas máis destacadas do municipio. A proba conta está organizada en conxunto co Club Atletismo Guitiriz e conta coa colaboración da Deputación de Lugo.
A proba terá lugar no Campo da Feira como punto neurálxico da xornada, reunindo a participantes de todas as idades nun evento que combina deporte e convivencia. Como principal novidade, este ano celebrarase en horario de mañá.
A carreira está aberta á participación de todas as persoas que o desexen, con diferentes categorías adaptadas por idades, desde biberóns ata categoría absoluta, ademais dunha andaina de 9 quilómetros pensada para todos os públicos.
As probas desenvolveranse ao longo da mañá, con saída da andaina ás 10:00 horas e das distintas carreiras a partir das 12:00 horas, incluíndo percorridos adaptados para as categorías de menores e unha carreira absoluta de 5 quilómetros. A entrega de premios terá lugar arredor das 13:30 horas.
Como ben sendo habitual na proba, este ano tamén haberá compromiso social, xa que 1 euro de cada inscrición destinarase á asociación Somos Unidos Contra el Cáncer, habilitándose ademais unha fila cero para achegas voluntarias, aínda que con esta fila cero non se poderá participar na proba deportiva.
A inscrición en liña está pechada, pero no caso de realizala o mesmo día da proba, os prezos incrementaranse ata os 10 euros para a carreira e 5 euros para a andaina. A recollida de dorsais e chips realizarase o mesmo día da proba entre as 10:30 e as 11:30 horas no Campo da Feira.
Para facilitar a participación, habilitaranse distintos servizos como duchas no Pavillón Municipal a partir das 12:30 horas, zonas amplas de aparcadoiro nas inmediacións, servizo de ambulancia con médico no Campo da Feira e avituallamento con auga e froita, ademais dun agasallo para os participantes.