Meira acollerá o Festival de Corais de Primavera este sábado
TerraChaXa
Participarán o Coro Xuvenil de Lugo, a Coral Polifónica de Chantada, a Coral do GMT de A Coruña e a Coral Polifónica de Meira
1 May 2026
O auditorio da Casa da Cultura de Meira será escenario este sábado, 2 de maio, ás 19:00 horas, do Festival de Corais de Primavera, unha cita musical que reunirá a diferentes formacións corais galegas nun encontro dedicado á música polifónica.
No festival participarán o Coro Xuvenil de Lugo, a Coral Polifónica de Chantada, a Coral do GMT de A Coruña e a Coral Polifónica de Meira, que compartirán escenario nun evento pensado para promover e difundir a música coral en Galicia.
A actividade está organizada polo Concello de Meira, FECOLU (Federación de Corais de Lugo), a Coral Polifónica de Meira e a Vicepresidencia da Deputación, entidades que colaboran na celebración desta nova edición do festival.