Mercedes Peón será o prato forte da Romaxe Artesá da Chaira
O Concello de Muras ten previsto celebrar o día 23 de maio unha nova edición, a décima, da Romaxe Artesá da Chaira, unha festa na que se busca a reivindicación dos oficios tradicionais e sobre todo a dinamización do medio rural como lugar de creación de vida.
A organización xa presentou o cartel, pero aínda está perfilando a programación, que se coñecerá nas próximas horas e na que figuran moitas das actividades que se celebraron en anos anteriores, aínda que haberá sorpresas tamén este ano.
De feito, Mercedes Peón será a actuación estrela desta décima edición.
Por outra banda, as previsións son que haberá exposición de artesanía, xogos tradicionais, demostracións en directo dos diferentes artesáns, charlas e música. Tamén acostuman facerse obradoiros para adultos e para nenos.