Modesto Renda escoitará aos veciños de Cidade de Viveiro este xoves
O tenente de alcalde e responsable de Mobilidade, Modesto Renda, continúa co seu programa para percorrer as distintas rúas do casco urbano. O obxectivo é reunirse coa veciñanza “rúa por rúa”, expoñer o diñeiro co que conta o Concello e que sexan os propios veciños/as os que decidan as prioridades.
A seguinte das xuntanzas terá lugar este xoves día 23 de xullo na casa da cultura (20:00 horas) e os convocados son os veciños/as residentes na Cidade de Viveiro, que poderán aclarar dúbidas tamén sobre a renumeración da rúa.
Trátase dunha iniciativa pioneira que, tal e como explicou, “vén dada polo elevado número de solicitudes veciñais en materia de mobilidade urbana e polo grande interese que percibiu nos últimos meses por parte da veciñanza do casco urbano de que se puidera poñer en marcha na vila o mesmo sistema empregado por Renda no rural”.