Muras acolle a VI Quedada BTT o próximo sábado
TerraChaXa
Terá lugar coincidindo coa Romaxe Artesá da Chaira
![quedada-btt-muras](https://terrachaxa.com/wp-content/uploads/2024/05/quedada-btt-muras.jpg)
Cartel do evento
19 Maio 2024
O Club Ciclista Terra Chá continúa coa celebración da Quedada BTT de Muras, que se celebra na súa VI edición e que terá lugar este sábado 25, coincidindo coa Romaxe Artesá da Chaira.
Trátase dunha proba que constará de 30 quilómetros con 900 metros de desnivel positivo.
O percorrido realizarase pola contorna e hai un máximo de 50 prazas para esta actividade. Os interesados en anotarse deben facelo o antes posible. Ten un prezo de 10 euros, que subirá a 23 para aqueles que queiran participar no xantar. O acompañante que desexe sumarse á comida pode facelo por 18 euros.
As inscricións deben facerse na web ccnorte.com. Haberá avituallamento e duchas despois da ruta.