Nenos e nenas de Vilalba participaron nun taller de primeiros auxilios

Aprenderon as nocións básicas para actuar en caso de atragoamentos, queimaduras, hemorraxias ou paradas cardiorrespiratorias

Un momento da formación

Nenos e nenas dos campamentos municipais participaron nun taller de primeiros auxilios impartido por Cruz Vermella de Vilalba.

Todos e todas elas executaron as principais manobras da cadea de emerxencia, lembrando algúns coñecementos que xa coñecían e adquirindo outros novos e imprescindibles para actuar en caso de emerxencia.

O equipo de Cruz Vermella ensinoulles, entre outras, as nocións básicas para actuar en caso de atragoamentos, queimaduras, hemorraxias ou paradas cardiorrespiratorias.