O alcalde de Outeiro de Rei reúnese co delegado da Xunta para abordar novas colaboracións

Arias destacou traballos como a concesión de 36.000 euros para mellorar o parque infantil do Salete e 33.500 para actuacións en espazos naturais

O delegado territorial da Xunta, Javier Arias, e o alcalde de Outeiro de Rei, José Pardo, reuníronse hoxe na Delegación Territorial de Lugo para analizar temas de interese municipal que competen a ambas administracións e seguir cooperando no impulso de novos proxectos.

Arias destacou as colaboracións máis recentes, como a concesión de 36.000 euros para mellorar o parque infantil do Salete e 33.500 euros para actuacións en espazos naturais – este último conxuntamente co concello de Cospeito -. Ambas axudas foron aprobadas pola Consellería de Presidencia, Xustiza e Deportes con cargo aos programas de apoio a entidades locais do 2024.