O belén de Begonte xa ten gañadores do seu concurso nacional de poesía

TerraChaXa
O xurado do XLVIII Certame Nacional de Poesía sobre o Nadal, convocado polo centro cultural José Domínguez Guizán de Begonte, formado por Xavier Rodríguez Barrio, escritor; Sara Blanco Díaz e María Jesús Blanco Díaz, da Comisión de Cultura do centro convocante, e Xulio Giz Ramil, presidente do Centro, fixo público o seu fallo.
maria soledad garcia riveiro belen begonte
maria soledad garcia riveiro belen begonte
18 ene 2024

O xurado do XLVIII Certame Nacional de Poesía sobre o Nadal, convocado polo centro cultural José Domínguez Guizán de Begonte, formado por Xavier Rodríguez Barrio, escritor; Sara Blanco Díaz e María Jesús Blanco Díaz, da Comisión de Cultura do centro convocante, e Xulio Giz Ramil, presidente do Centro, fixo público o seu fallo.

Lidos os traballos presentados, acordaron premiar co primeiro premio, dotado con 600 euros e figura de Sargadelos a María Soledad García Riveiro, de Nigrán (Pontevedra), polo poema titulado Betheleém.

O segundo premio, dotado con 300 euros e figura foi para José Otero Canto polo poema presentado co lema Luces sacrae, titulado Ao neno levade lelías de música e poesía.

Pola calidade dos traballos concedéronse dúas mencións de honra, dotadas con figura de Sargadelos. Foron para David Corral Díaz, begontés residente en Ferrol, polo poema presentado co lema Alecrín, titulado Un neno, noso veciño. O outro foi para Manuel Laespada Vizcaíno, de Albacete, polo poema Postales del Belén.

Os premios serán entregados o próximo 27 de xaneiro, no decurso do acto de clausura do Nadal de Begonte.